Посетата на папата, промоцијата, брендирањето на нашата држава и новите авионски линии кои се планира да се воспостават до 2020 година ќе го зголемат интересот на странските туристи за Македонија. Се очекува годинава број на ноќевања да достигне 4 милиони, а девизниот прилив над 400 милиони долари.
Сто години по првото прославување на меѓународниот ден на жената и борбата на жените за признавање на нивната еднаквост со мажите во сите сфери на општеството: право на глас, имот, социјални и здравствени права, образование, еднаква плата..., сеуште е изразен јазот на успешни жени, наспроти успешни мажи во поединечни економски и стопански категории.
Тема која се почесто се отвара и е актуелна е токму за учеството на жените во историјата на ликовните уметности, како и на пазарот на уметнички дела. Денес е веќе вообичаено, во одредени интелектуални кругови, жените да бидат подеднакво успешни уметници, културни работници, куратори и уметнички селектори, но некои податоци кои се објавуваат последните години на уметничките портали говорат за нерамномерното признавање и прифаќање на жената како автор и уметник. Имено, општо признатата историја на уметноста како и долгогодишната воспоставена практика на изложување на врвни машки имиња - уметници, даваат впечаток дека, улогата на жената во процесот на создавање на уметност била на ниво на муза, модел, инспирација, додека големите мајстори и таленти биле мажи. Со оглед на позицијата на жената во општеството до 20 век, ваквото восприемање не нé изненадува.
Во текот на последните години, еколошката свест на граѓаните кај нас, значително порасна. Сведоци сме на зголемен интерес за темите од областа на заштитата на животната средина и здраво и квалитетно живеење. Јавноста континуирано ги следи и бурно реагира на проблемите со загадувањето на воздухот, водите, почвата, загадувањето од рудниците, отпадот, дивата сеча на шумите, уништувањето на зеленилото и неодржливата урбана експанзија. Потребата за чиста и здрава животна средина претставуваше мотив за формирање на голем број граѓански иницијативи и здруженија кои активно делуваат во оваа сфера. Преку различни форми на граѓански активизам, од акции за чистење на отпад, преку учество на дебати, протести, локални референдуми, до предлагање конкретни решенија и соработка со надлежните институции.
Од 30-ти септември, ноќта, до сега не можам да се ослободам од прашањето: што да се прави сега и како понатаму? Кој победи, а кој изгуби, кој е предавник, а кој е патриот? Во главата ми се имешаа и антиката и словенството и знамињата на Вергина и на независна Македонија...се прашувам дали го чуваме името или сиромаштијата, дали ги отвораме вратите кон ЕУ и НАТО или одиме по слепа улица?
Дојдовме до момент кога треба да одлучиме - дали да се поместиме од мртва точка или да продолжиме да живееме во апатија, со илузии и со фиктивни надежи? Очигледно е дека во вакви околности, мојата генерација нема време за чекање. Изминаа 27 години од осамостојувањето на Република Македонија, што е сосема доволно време за да се запрашаме: Што направивме, што постигнавме, до каде отидовме и каде сме? Секоја година чувсвувам како да се наоѓаме на крстосница, на која што подзастануваме и најчесто се запрашуваме: Каде бевме? Каде сакаме да бидеме? Каква е нашата иднината, иднината на младата генерација и каква сакаме таа да биде? Додека повеќето мои другари, пријатели, соседи и колеги секојдневно размислуваат да најдат излез од економската криза со заминување во белиот свет и ја реализираат истата, ние, можеби најупорните и најоптимистите останавме тука да се обидеме да ја вратиме надежта и да кажеме дека навистина ќе не биде, дека навистина е дојден моментот кога се создава реална политичка основа да размислуваме дека ќе биде подобро. Одлуката е една, тука е пред сите нас.
Кога станува збор за туризмот, едно од најзначајните прашања што се наметнува е: како оваа стопанска дејност да стане главна, водечка гранка во економијата, што ќе придонесе за зголемување на вработеноста и за раст на економијата воопшто?
Јасно е како опозицијата го блокира Буџетот, видливи се потезите и механизмите што ги употребува во собраниските расправи, но не е јасна математиката со која влегува во ова. Толку многу инженери, а слаби математичари.
Хамбург е еден од главните транспортни центри во Северна Германија и е еден од најбогатите градови во Европа. Но со комбинирање на својата индустриска сила и обврската да го намали своето влијание врз животната средина, вториот по големина град во Германија станува модел за големите метрополи ширум светот.
ICLEI е меѓународно здружение на локалните власти, како и на националните и регионалните организации на локални власти кои се посветени на одржливиот развој. Во оваа асоцијација членуваат над 1220 локални влади од 70 различни земји и застапуваат повеќе од 569.885.000 луѓе. Мисијата на ICLEI е да изгради и да му служи на светско движење на локалните власти за да се постигне опипливо подобрувања во одржливоста на глобално ниво со посебен фокус на подобрување на условите во животната средина преку кумулативни локални акции.
Македонија е земја со неискористен воден потенцијал, многу големи и мини хидроцентрали чекаат да бидат изградени. Имаме исто така 250 до 300 сончеви денови годишно, со одличен агол, што е практично растурена енергија по нашите простори. да не зборуваме за биомасата расфрлана како отпад што не загадува, наместо да биде извор на обновлива енергија. заборавен е и ветерот и геотермалните води.
