Делегација на Европските Зелени предводена од ко – претседателот и европратеник Reinhard Bütikofer, ќе биде во посета на Р.Македонија од 20 до 22 август 2017година. Заедно со него ќе бидат и членовите на Извршниот комитет на Зелените Oras Tykknen и Thomas Waitz .
Европските Зелени доаѓаат на покана од сестринската партија ДОМ за да ја поддржат борбата на ДОМ и на сите еколошки граѓански иницијативи против отварањето на рудници во југоисточниот дек од земјава, кои се штетни за здравјето на населението и кои може сериозно да ја загадат животната средина.
За ова проблематика ќе стане збор на конференцијата насловена: ,, Искуството на Eвропските зелени во борбата против загадувањето од рудници″, што ќе се одржи на 22 август (вторник) во Холидеј Ин со почеток во 10:30 часот. Поканети се граѓански активисти од цела Македонија, експерти и претставници од соодветни институции.
За време на посетата делегацијата на Европските Зелени непосредно ќе се запознаe и со ефектите од спроведувањето на демократските реформи според Извештајот на Прибе, како и со подготовките за Локалните избори. Високите претставници на Европските зелени ќе остварат средби и со раководствата на ДОМ и МОДОМ , со претседателот на Владата Зоран Заев, со министерот за животна средина Садула Дураку, со претседателот на Обединетата партија за еманципација на Ромите Неждет Мустафа, како и со повеќе експерти и граѓански активисти од областа на екологијата, ,човековите права, меѓународните односи и младинските политики.
