По повод националниот празник Илинден, делегации и организации на ДОМ денес положија свежо цвеќе на спомениците во Скопје, Крушево, Куманово, Прилеп и Штип.
Делегацијата ја предводеа, Љупчо Јаневски, генерален секретар на Демократска обнова на Македонија, Христина Оџаклиеска, советничка во Општина Кисела Вода и Соња Петрушева, член на Извршниот одбор на ДОМ, се поклонија пред спомениците на АСНОМ во паркот Жена-борец, на Никола Карев пред Собранието на Македонија, како и на Методија Андонов –Ченто на плоштадот Македонија. Општинската органиција на ДОМ од Битола, Ристенка Алтипармаковска, советничка во Општина Битола и Благој Мицевски, член на Централниот одбор на ДОМ, положија свежо цвеќе пред споменикот на Питу Гули на Мечкин Камен во Крушево. Општинската организација од Крива Паланка предводена од Дане Милошевски и Дарко Милошевски, членови на Централниот одбор одбор на ДОМ, поставија свежо цвеќе во Меморијалниот центар АСНОМ во Пелинце, Куманово. Општинската организација на ДОМ од Прилеп, предводена од Елизабета Сурлаџија, советничка во Општина Прилеп, поставија свежо цвеќе пред Могила на непобедените во Прилеп. Општинската организација на ДОМ од Штип, предводена од Ванчо Санев, член на Централниот одбор на ДОМ и Милчо Смиљанов, советник во Општина Штип, оддадоа почит на споменикот на Гоце Делчев во Ново Село, Штип.