Продолжува безмилосното уништување на дрвата водено од бизнис интереси и непочитување на автономијата на одредени институции.
Сечата на дрвата на платото кај Дом на АРМ која се случи утрово, исто како и кај Ректоратот, е уште еден чин на уништување на природата и бетонирање на просторот во презагедното Скопје.
Ајде да ги потсетиме нарачателите што предизвикуваат:
- загаден воздух 15 кратно повисоко од стандарите,
- над 1000 смртни случаи предизвикани од загадување,
- десетици илјади срцево болни,
- десетици илјади со белодробни заболувања,
- високи проценти на стерилитети како последица од загадувањата,
- запрени природни текови на проветрување.
Зарем не се свесни дека со ова ја прават животната средина неиздржлива за живот. Нејасно е само за кого ги градат сите објекти, кога градовите ќе ни останат без жители, односно ќе станат градови на духови!
