ДОМ денес го поддржа „Фестивалот за органска храна“ организиран одЗдружението за одржлив социо-економски развој „Изгрејсонце“ – Скопје.
Гостин на фестивалот беше пратеничката Лилјана Поповска која притоа изјави: Јас ги поддржувам ваквите манифестации. Тие се извонредна прилика човек да обезбеди здрава храна која е македонско органско производство и е автентична автохтона храна. Ова е најдобар начин да се подобри сопственото здравје, да се даде придонес на производителите и да се промовира македонската култура на исхрана. Секако ова е најдобар начин да се каже и едно серозно НЕ на генетски модифицираните организми.
„Фестивалот на органска храна“ се одржа во Реонскиот парк во Ѓорче Петров, а присуствува 15 производители на органска храна и органски производи, невладини организации кои работат на ова поле од Македонија.
