ДОМ срдечно им го честита празникот Рамазан Бајрам на сите граѓани на Република Македонија од муслиманска вероисповед.
Завршувајќи го светиот месец на постот, Рамазан, им посакуваме секое добро, благодет и успех на сите наши граѓани кои го прославуваат овој празник.
Времето на големите верски празници е и време на добра волја, време на пружање рака на пријателство и соживот, онака како што вековната традиција на живеење на овие простори налага и докажува.
ДОМ и во оваа пригода потсетува дека само со отворено срце и без вештачки бариери можеме и мораме да живееме едни со други, а не едни покрај други, со заемна почит и уважување, зашто тоа е единствениот пат кон среќна и просперитетна иднина на сите граѓани во Република Македонија.
