Кандидатката за советничка во Советот на Град Скопје од Коалицијата за зелена иднина и ко-претседателка на зелената партија ДОМ, проф. д-р Ана Угринска, бара бескомпромисна градска политика кон отпадот и загадувањето, со отворени податоци и ненајавени контроли.
„Скопје не смее да се помирува со токсичните навики. Вардариште и Дрисла не се точки на карта, туку жаришта што ја разјадуваат довербата, здравјето и иднината,“ порачува Угринска.
Предупредувајќи на штетата што ја трпат граѓаните, таа вели дека кога ноќта мириса на стопена пластика во Карпош и Ѓорче, тоа значи дека некој профитира, додека граѓаните плаќаат со белите дробови.
Угринска зборува и за политичката агенда на кандидатите за советници во Град Скопје на Коалицијата за зелена иднина со која се бара поддршка на локалните избори и гласање за бројот 8.
„Бараме градска власт што стои пред фактите, а не зад изговорите: отворени податоци за секое претоварување на отпад и согорување, контроли што не се најавуваат, санкции што не се договараат. Без компромиси со отпадот и со нечии привилегии. Сакаме град за живеење, а не за преживување“, вели Угринска, притоа апелирајќи до скопјани и скопјанки, „да му го вратиме достоинството на Скопје и да обезбедиме иднина во која се дише здраво и мирно.“
Линк до видеото: https://www.facebook.com/share/r/1JcgjMxVDQ/
