Претседателката на ДОМ Маја Морачанин вели дека допрва ќе ја анализираат владината програма и дека ќе видат што е внесено од нивните програмски барања. Таа потврди дека денеска помалите коалициски партии ќе имаат средба за измените на Изборниот законик во делот на изборниот модел. Морачанин смета дека на новиот тим на Ковачевски треба да му се даде шанса, но тие коишто нема да покажат резултати треба да бидат сменети.
-Очекувам дека министрите ќе можат да ги извршуваат обврските за кои се назначени, дека ќе ги реализираат очекувањата на граѓаните, институциите поефикасно ќе функционираат и дека ќе има поголема одговорност за да се постигнат резултатите кои сакаме да ги постигнат. Но ако нема резултати треба сите да се менливи и минливи. Најважно е да има резултати – вели Морачанин.
