ДОМ очекува институциите на системот да ги спроведат законските процедури до крај, како што треба во една правна држава. Тоа значи, законите да важат за секого подеднакво и секој оној што го прекршил законот да ја добие заслужената казна. Исто така, оваа трагедија да не се злоупотребува и користи во политички цели.
ДОМ со исклучителна загриженост и внимание ги следи настаните во врска со трагичната смрт на младиот Мартин Нешковски и последиците од овој трагичен настан.
Пред се, на родителите и најблиските на Мартин им изразуваме длабоко сочувство за нивната непроценлива загуба и болка.
ДОМ очекува институциите на системот да ги спроведат законските процедури до крај, како што треба во една правна држава. Тоа значи, законите да важат за секого подеднакво и секој оној што го прекршил законот да ја добие заслужената казна.
Исто така, ДОМ апелира оваа трагедија да не се злоупотребува и користи во политички цели.
По расчистувањето на овој случај, ДОМ предлага да се направи сериозна анализа на сите закони и подзаконски акти со кои се регулира однесувањето и постапувањето на претставниците на безбедносните сили, како и контролата над нивното работење.
Голема е веројатноста дека ваквата анализа ќе покаже дека некои делови од регулативата ќе треба да претрпат одредени измени и допрецизирања. Веруваме дека сево ова ќе биде во функција на поголема безбедност на граѓаните, но и на самите претставници на безбедносните сили, а истовремено ќе биде во функција и на гарантирање на севкупните демократски процеси во земјата.
