Зелени Теми

ЗА ЕДЕН ВЕК ,ПОЛОВИНА ОД ЖИВИОТ СВЕТ ПРЕД ИСТРЕБУВАЊЕ !

 

Нештата не изгледаат добро за живиот свет на нашата планета. Некои проценки велат дека близу 40% од вкупниот жив свет на планетата Земја  е веќе истребен. И ако за миг помислите дека Видовите ќе има можност да здивнат макар во ова време на глобализација помислете пак. Последниот извештај на признати светски биолози покажува дека и од преостанатиот жив свет  во моментов , дури половината е соочена со истребување во наредните 100 години!

Предупредувањето дооѓа од неодамна одржаната Светска конференција посветена на заштита и промоција на живиот свет и биодиверзитет, одржана во Ватикан.

Гледано хронолошки, во изминатите 3,7 милијарди години,  малото парче карпеста формација и наш единствен дом планетата Земја,  во својот еволуциски циклус била соочена со повеќе феномени на делумно или комплетно истребување на живиот и растителен свет. Разликата денес е што покрај природниот циклус на истребување на видовите кој се јавува со одредено темпо и времетраење, во равенката е вклучен и факторот човек.

Со енормна индустријализација, неконтролираното и масовно сечење на шумите, исфрлањето огромни количества јаглерод диоксид во атмосферата, и ловењето на илјадници тони риба од океаните, процесот на истребување според стручните лица, од природните рамки е забрзан од илјада до десет илјади пати!

Оттука и заклучокот на биолозите, дека ако во наредните децении  човештвото продолжи да се однесува неодговорно како досега и не промени ништо во начинот на кој ги ескплоатира ресурсите на планетета, особено преку сечењето на шумите и ископувањата на рудните богатства, тогаш половината од живиот свет и неговите видови ќе бидат на работ на  преживување. Ова не се однесува само на тигрите или пандите, туку и на микроорганизмите, растенијата,  габите. Сите тие веројатно е дека ќе исчезнат од лицето на Земјата.

 

ЛИНК КОН ОРИГИНАЛНИОТ ТЕКСТ:

http://www.iflscience.com/plants-and-animals/half-of-all-life-may-be-extinct-within-a-century/

Александар Ивановски

 

 

КАЛИФОРНИЈА СО ФУНКЦИОНАЛЕН ДИЗАЈН ГО РЕШАВА НЕДОСТАТОКОТ НА ВОДА

Калифорнија  е една од сојузните држави во САД,  која се соочува со најсериозни недостатоци на водни ресурси.  Проблемот ќе го решава инспирирана од потенцијалите на Атлантскиот океан. Најновиот изум доаѓа како конкурсно решение за пречистителна станица за солена вода, која ќе биде лоцирана крај бреговите на Санта Моника, во Калифорнија.

Критичарите ласкаво прашуваат дали е ова јавна уметност или фукнционален објект ?

И со право, бидејќи победничкиот тим на натпреварот  LAGI (Land Art Generator Initiative)  смета дека ваквите нови и зелени инфратруктури, треба да ги бришат линиите меѓу функционалното и естетското.  Се чини  победничкиот проект насловен  “The Pipe”, го постигнува токму тоа.

Се работи за пречистителна станица, која е проектирана да работи на соларен погон.  На годишно ниво таа ќе произведува 10.000 MWh -електричната енергија со капацитет за одсолување на повеќе од 5,6 милијарди литри вода од океанот.

Оваа количина на питка вода, потоа ќе биде директно пуштена во водоводниот ситем на градот, додека остатокот кој содржи мало количество на сол,  преку  т.н. интелегентен систем  ќе биде вратена назад.  Според експертите,  со тоа  ќе се  решат повеќето технички проблеми поврзани со враќање на ,,солената вода,, назад во океанот.

Во објаснувањето на победничкиот тим составен од инжињери и  архитекти,  се наведува дека  уметничкиот аспект на проектирањето, бил клучен за конечниот изглед на оваа пречистителна станица. Најмногу заради фактот што ваквите зелени постројки се повеќе ќе бидат дел од нашето опкружување и тие покрај својата основна цел ќе мора  да поседуваат примамлив и естетски дизајн.

За потсетување,  Договорот за Климатските промени од Париз - COP 21 го обедини светот во иницијативата за ограничување на глобалното затоплување  од  1.5–2° C , односно на прединдустрискиот период.  За тоа,  ќе бидат потребни огромни инвестиции во изградба на инфраструктура за производство на чиста енергија од обновливи извори. 

Македонија  нема  и не смее да биде исклучок, а  ДОМ  ќе биде предводник со своите  Програми за Зелена економија.

ЛИНК КОН ОРИГИНАЛНИОТ ТЕКСТ:

http://www.independent.co.uk/life-style/gadgets-and-tech/solar-powered-pipe-sculpture-desalinate-drinking-water-california-a7206176.html

Александар Ивановски

ОД КЛАСИЧЕН ВО ЕЛЕКТРИЧЕН ВЕЛОСИПЕД ЗА ЕДНА МИНУТА

Возењето велосипед станува сè поактуелно. И со причина! Сè повеќе луѓе решаваат патот до  работното место или пријателите,  да го поминат со велосипед наместо автомобил или јавно превозно средство.

И ако сте помислиле дека за една,,зелена,, инвестиција ви се потребни десетици илјади денари, помислете пак! Благодарение на инвентивноста на една кик-старт компанија, на пазарот се појави тркалото,,GeoOrbital,,.

Со новиот изум вашиот класичен велосипед го преобразувате во електричен, за помалку од 60 секунди.

Видеото во продолжение го објаснува начинот на составување:

 

https://www.youtube.com/watch?v=lGdiIH8jODo

Пакетот вклучува сè што ви е потребно за работа на еден Електровелопед,  како мотор, батерија, централен погон и специјална резервна гума. Според компанијата , новиот изум е тестиран на стотици велосипеди и работи совршено за вообичаените димензии на тркала.

Дополнителна предност на ,,GeoOrbital,, тркалото е што произведува електрична енергија дури и кога велосипедот е во движење, но не се вртат педалите.  Со други зборови, спуштањето по надолнини или користењето на сопирачките дополнително го напојува погонот со електрична енергија. Со едно полнење  и просечна брзина од 30 км/ч,  електричниот погон може да го движи велосипедот неверојатни 80 км.  

Што ќе се согласите е рецепт за успешно и забавно возење со ваков велосипед во секое време.

ДОМ активно и во континуитет се залага за промоција на овој  вид на транспорт во урбаните средини, но и надвор од нив како Проектот за изградба на мрежа од велосипедски патеки низ градовите и меѓу нив, за евтино и еколошко движење, и развој на руралниот туризам.

Покрај тоа во Изборната програма во делот на Урбанизмот и Архитектурата,  ДОМ предлага и бројни мерки кои се предуслов за слободно движење на велосипедите како  :

-          Создавање зелени пешачки зони;

-         Ограничување на движењето на возила низ градските центри и намалување на профилот на сообраќајниците;

 

Сево ова е возможно преку спроведување на темелни плански промени. Токму затоа ДОМ како зелена партија, неодамна и официјално предложи Пакет закони во урбанизмот, и тоа  нов Закон за просторно и урбано планирање, нов Закон за градење, вистински Закон за зеленило и Закони за Градски архитект.

Првите порачки на новиот погон за трансформација на класичниот велосипед,, GeoOrbital-тркалото,, се можни од почетокот на 2017 година.

ЛИНК КОН ОРИГИНАЛНИОТ ТЕКСТ:

http://www.trueactivist.com/this-wheel-turns-any-bike-into-an-electric-vehicle-in-just-60-seconds/?utm_source=Facebook&utm_medium=CE&utm_content=this+wheel+turns+any+bike+into+an+electric+vehicle+in+just+60+seconds

Александар Ивановски

САН ФРАНЦИСКО - ПРВИОТ ГРАД ВО САД СО ЗАКОНСКА ОБВРСКА ЗА СОЛАРНИ ПАНЕЛИ

Градот Сан Франциско воведе  зелен код на функционирање.  Со најновите усвоени регулативи, градот наложува обврска, идните станбено-деловни  објекти  без исклучок да имаат сончеви панели на своите кровови. Ова е првпат вакво барање на ниво на град во САД, со што општинските власти ја остваруваат најавената агенда за фукнционирање на база на обновливи извори на енергија до 2020 година.

 

Градската одлука е донесена едногласно, а стапува на сила од јануари 2017 година. Се базира на државен закон кој бара сите нови станбено-деловни  објекти  да имаат 15 % одвоен простор на своите кровови за напојување со соларна енергија.

Инаку, Сан Франциско е еден од американските градови кои значително ги чувствуваат последиците од климатските промени.  Зголемените емисии на CO2 предизвикаа значителни ерозии на земјиштето,  ја загрозија безбедноста на инфраструктурата при  надоаѓање на плимата. Сето ова го чинеше градот нови инвестиции во проширување и зајакнување на канализациската одводна мрежа.

Во рамките на САД пак, државата Флорида се соочува со дури поголеми проблеми, за кои властите не зборуваат јасно. Една од нив е ,,тонењето,, на Мајами, токму поради промените во климата и зголемувањето на водната кота на океаните.

Токму затоа на одлуката во Сан Франциско се гледа како на пример во рамките на САД, но и светот.

ЛИНК КОН ОРИГИНАЛНИОТ ТЕКСТ:

http://www.geek.com/news/san-francisco-becomes-first-us-city-to-require-solar-panels-on-every-new-building-1653167/

Александар Ивановски

Пребарување

Контакт

ДЕМОКРАТСКА ОБНОВА НА МАКЕДОНИЈА - ДОМ 

 ул. Никола Вапцаров 18/1 1000 Скопје, Република Македонија

Телефон 02/5112-900

Фах.        02/5112-900

e-mail: dommakedonija@yahoo.com

Претседателка: Лилјана Поповска  e-mail: liljana4@t-home.mk
тел: 02/5112-900 02/3224-150

Портпаролка: Маја Морачанин e-mail: maja.moracanin@dom.org.mk
тел: +389 75 61 81 93

Социјални медиуми

Анкета