Соопштенија

Европските Зелени се солидаризираа со нападнатите пратеници и новинари во Собранието на Република Македонија

Детали

Објавено: Сабота, 29 Април 2017 15:25

Европските Зелени застанаа во солидарност со членовите на Собранието на Република Македонија и нападнатите новинари

СООПШТЕНИЕ ЗА МЕДИУМИТЕ

Брисел, 28 Април, 2017

Коментирајќи ги последните настани во македонското Собрание, копретседателите на Европската Зелена Партија, Рајнхард Бутикофер  и Моника Фрасони, рекоа:

"Европските Зелени најостро го осудуваат нападот на Собранието на Република Македонија од страна на националистички насилници. Изразуваме солидарност со пратениците и новинарите кои беа нападнати. Ги повикуваме сите страни во Македонија да  покажат разумност и да се воздржат од насилство.

Политичката одговорност за ескалација на тензиите во Македонија ја имаат поранешниот премиер Груевски и претседателот Ѓорге Иванов, кои не сакаа да го испочитуваат исходот од последните парламентарни избори, спречувајќи го лидерот на СДСМ, Зоран Заев, да ја формира новата Влада за која постои собраниско мнозинство. Веднаш мора да престане попречувањето и блокадата на политичкиот процес. Ги повикуваме високиот претставник Федерика Могерини и комесарот Хан да ги искористат сите расположиви можности за надминување на оваа состојба и за политичка нормализација во Македонија.

Европските Зелени изразуваат солидарност со нашиот македонски член, партијата ДОМ, особено со пратеничката Маја Морачанин и лидерката на партијата Лилјана Поповска. Тие може да сметаат на нашата поддршка во нивните храбри битки. "

Со почит,

Сектор за односи со јавноста

ДОМ: Заштита на институциите - не смее Ќосето да дели правда!

Детали

Објавено: Петок, 28 Април 2017 12:39

ДОМ најостро го осудува насилството во Собранието, во кое беа тешко повредени стотина луѓе, а целата нација доживеа тешка траума. Бевме сведоци на трагично нефункционирање на институциите, посебно на полицијата, поради што беше овозможен брутален линч над пратениците, со обиди за убиство. Бараме итна одговорност и казна за сите организатори и спроведувачи на насилниот напад во Собранието.

Повеќе...

ДОМ во Охрид, Струга, Гостивар: Туризмот и депониите не одат заедно!

Детали

Објавено: Среда, 26 Април 2017 10:26

Делегација на ДОМ со претседателката Лилјана Поповска во Охрид, Струга и Гостивар се сретна со партиски активисти, екологисти и туристички работници. Во разговорите за актуелните еколошки проблеми, еден заклучок се наметна како основен: Туризмот и депониите не одат заедно!

Повеќе...

ДОМ: Студенчишко Блато е спасено засега !

Детали

Објавено: Вторник, 25 Април 2017 10:43

Делегација од ДОМ со претседателката Лилјана Поповска учествуваше на јавната расправа за ГУП на Охрид, на кој главна измена беше враќањето на Студенчишко Блато во строго заштитена зона според стариот ГУП од 2006 г. Ова е постигнато благодарение на упорната борба на екологистите од Охрид и од Македонија. Но ова треба будно да се следи како што забележаа сите присутни екологисти, за да не се претвори повторно во градежна зона по преоценката на студијата која што ќе следи.

Повеќе...