ДОМ искажува незадоволсто и бара објаснување од ЈП Паркови и зеленило и од Град Скопје за сечата на тополите спроти Трговскиот Центар City Mall, во општина Карпош, со што се предизвика деградација на урбаната животна средина на овој простор. Овие тополи, беа во одлична состојба и нема никакво оправдување постапката која беше спроведена денеска.
ДОМ предлага одложување на носењето на Законот за високо образование, за да се обезбеди широка јавна дебата и да се земат предвид аргументите на студентите и професорите. Ова е многу сериозен закон кој е многу важен за целото општество и бара длабинска анализа на целиот образовен систем. Зашто, ако постои можност за продукција на лоши кадри и лажни дипломи, тоа е проблем на институциите и на системот.
ДОМ искажува крајно незадоволство од решението на Јавното обвинителство во Тетово, со кое ја отфрла Кривичната пријава против Југохром од Јегуновце, поднесена од ДОМ на 30 јули 2014. Кривичната пријава ја поднесовме за кривичните дела: Загадување на животната средина и природата (чл. 218) и Загрозување на животната средина и природата со отпадни материи (чл.230).
ДОМ изразува големо разочарување по веста за одбивањето на општините од Југо-источниот регион да го потпишат договорот со најдобриот австриски понудувач во постапката за доделување концесија за управување со отпадот и изградба на депонијата. Ова се случува по тригодишен транспарентен процес на преговори помеѓу 10 општини, неколку министерства и понудувачот избран на меѓународен оглас.
Mногу е важно постапката за инвестицијата на ДуПонт (DuPont) и на Етанол Јуроп Рињуаблс Лимитед (Еthanol Europe Renewables Limited) да се води транспарентно и со целосен мониторинг од јавноста (академска, граѓанска, политичка, медиуми). ДОМ нагласува дека Македонија мора да остане земја во која нема да се произведува ГМО за никакви цели, а трајна определба да биде производство на здрава храна и заштита на животната средина како услов за која и да е инвестиција.
ДЕМОКРАТСКА ОБНОВА НА МАКЕДОНИЈА - ДОМ
ул. Никола Вапцаров 18/1 1000 Скопје, Република Македонија
Телефон 02/5112-900
Фах. 02/5112-900
e-mail: dommakedonija@yahoo.com
Претседателка: Лилјана Поповска e-mail: liljana4@t-home.mk
тел: 02/5112-900 02/3224-150
Портпаролка: Маја Морачанин