Прес конференции

ДОМ: Да се намали употребата на дизелот, а не акцизата!

2. ДОМ прес 25.04.2018 фотографија

ДОМ е категорично против најавеното барање на опозицијата за намалување на акцизата на дизел горивата. Зголемувањето на акцизата за 3 денари, воведено годинава, претставува добар метод на дестимулација на употребата на дизел горивата, што е еколошка мерка.  Дизел горивата се меѓу најштетните загадувачи на воздухот, поради што намалувањето на нивната употреба води кон намалување на аерозагадувањето.

Повеќе...

ДОМ: Усогласување на урбанистичките закони со Законот за зеленило

lile maja 2

По донесувањето на Законот за урбано зеленило, треба да се направи усогласување на урбанистичките закони со него, во рок од 6 месеци од денот на влегување во сила на законот. Заради забрзување на постапката, ќе бидат подготвени измени во консултација со Министерството за транспорт и врски, како и со колегите од коалицијата.

Повеќе...

ДОМ: Подготвен е законот за забрана на цијаниди и сулфурна киселина во рудниците

pres 18.12.2017 1

Измената и дополната на Законот за минерални суровини се предлага заради долгорочна заштита на животната средина и здравјето на населението кое живее во близина на рудници кои работат со технологии што користат опасни супстанци. Со оглед на димензиите на нашата земја, како и на фактот дека еко-системот е една целина, опасноста им се заканува на сите граѓани на Република Македонија, но и на поширокиот регион, трансгранично.

Повеќе...

ДОМ: Следни чекори во борбата против загадувањето од рудниците

press 19.09.2017

Претседателката на ДОМ, Лилјана Поповска, на денешната прес конференција го изнесе предлогот на ДОМ за следни чекори во врска со рудниците за злато и бакар.

ДОМ смета дека по серијата референдуми против отворање рудници за злато и бакар во југоисточна Македонија, време е Владата да направи решителни чекори во борбата против загадувањето од рудниците.

Повеќе...

ДОМ: СТОП за отворање нов рудник на смртта, Боров Дол, помеѓу Штип, Радовиш и Конче

Lile press

ДОМ ја информира јавноста дека се спрема отворање нов рудник на смртта, Боров Дол, помеѓу Штип, Радовиш и Конче. Тоа треба да биде уште еден површински коп за бакарна руда, која би се лужела со сулфурна киселина директно во отворен базен на планината.

Повеќе...

ДОМ бара ревизија на концесиите за рудниците Казандол и Иловица

 za kazandol 2

ДОМ е против отворање цела дузина рудници во Македонија - од Петрошница во Старо Нагоричане, преку Плавица во Пробиштип, па во Кочани, Струмица, Делчево, се до Казандол во Валандово. Тоа е неодговорно кон граѓаните и нивното здравје, зашто сите тие планирани рудници за злато, бакар и сребро се површински, со мало количество метал во земјата. Тие се „рудници на смртта“ - работат со цијанидни и сулфурни раствори во отворени базени по планините, загадувајќи се живо околу себе. Посебна трагедија е што целиот тој источен појас е одамна стратешки насочен кон земјоделие и туризам. А сега им се нуди опустошена природа, уништени полиња и животен век од 40 години. Тоа е недозволиво!

Повеќе...

ДОМ: Пакет закони во урбанизмот во првите 100 дена од новата влада

Maja pres 23.02.2017 konecna

Тргнувајќи од фактот дека 20% од загадувањето на воздухот со штетни ПМ10 честички доаѓа од градежништвото и од антиеколошката урбана експанзија, ДОМ инсистира на донесување на пакет закони и мерки во урбанизмот во првите 100 дена од новата влада, како што стои и во нашата предизборна програма:

Повеќе...

ДОМ: Без цел пакет итни мерки нема спас од загадувањето

maja pres 26.01.2017

ДОМ по којзнае кој пат укажува, дека без цел пакет итни мерки нема спас од загадувањето! Во услови на 10-20 пати повисоки ПМ10 честички во најголем број денови зимово, не може решение да биде само една мерка, пар-непар и намалување на користењето на службените возила, што ја предлага Министерството за животна средина, зашто е само капка во морето!

Повеќе...

Поповска: Сега е време за единство

lpf

(Видео)

Сега, непосредно пред парламентарните избори, е време за единство и за искрена посветеност на борбата за демократизација на земјата. Во тоа име, ДОМ се откажа од намерата за самостоен настап и прифати да биде дел од опозиционата коалиција што ја предводи СДСМ. Нашето излегување од Владата пред речиси две години беше поздравено од јавноста и нотирано во Извештајот на Европската комисија како важен пресвртен момент во политичката криза. Затоа изненадуваат сега поединечни реакции, во кои се проблематизира мојата добитна позиција на коалиционите листи.

Повеќе...

ДОМ предлага пакет закони во урбанизмот за нормален живот

 

 maja pres

 

За ДОМ е неприфатлив хаосот што владее во урбанизмот, антиеколошки и антидемократски, воден исклучиво од бизнис интереси. Неопходна е промена на концептот во урбанизмот и градежништвото. Овие дејности треба да бидат во функција на граѓаните, за задоволување на потребите за хумано, здраво и квалитетно живеење. За таа цел, ДОМ како зелена партија, предлага пакет закони во урбанизмот, за нормален живот на граѓаните: нов Закон за просторно и урбано планирање, нов Закон за градење, вистински Закон за зеленило и закони за градски архитект.

Повеќе...

Одбери јазик

mkendefrsqtrsr

Пребарување

Контакт

ДЕМОКРАТСКА ОБНОВА НА МАКЕДОНИЈА - ДОМ 

ул. Даме Груев бр.5, зграда 1, влез 2, кат Мезанин
1000 Скопје, Република Македонија

Телефон 02/5112-900

Фах.        02/5112-900

e-mail: dommakedonija@yahoo.com

Претседателка: Маја Морачанин  
e-mail: m.morachanin@yahoo.com
тел: 02/5112-900 02/3224-150 

Социјални медиуми

Анкета