На 20 септември 2014, Младинската организација на ДОМ во Штип организираше Изборно собрание во Џез Арт Клуб „Матис“, на кое ги изгласа новите раководни тела и своите програмски определби. Членовите на општинската организација на Собранието ги поздравија претседателот на Општинската организација на ДОМ Штип, Ванчо Санев и претседателката на МОДОМ, Симона Сарделиќ.
Младинската организација на ДОМ - МОДОМ, по повод 17 мај, меѓународниот ден за борба против хомофобијата и трансфобијата, упатува апел за толеранција и почитување на луѓето со различна сексуална ориентација.
Претседателката на МОДОМ, Симона Сарделиќ и членот на Извршниот Одбор на ЦДНЕЕ (CDNEE), Блаже Јосифовски, изминатиот викенд во Бугарија учествуваа на настан на кој беше преставен „фракинг“ методот за вадење на нафта и гас од шкрилци. На овој настан уествуваа и активисти од Србија како и експерти и преставници на граѓанските иницијативи кои работат на полето на „анти- фракинг“ од Бугарија.
ДОМ во пресрет на предвремените парламентарни избори ја поддржа Декларацијата за соработка со младите. Во име на ДОМ, Декларацијата ја потпиша претседателката на Младинската организација, Симона Сарделиќ.
Членовите на МОДОМ Кристијан Балески и Бојан Петровски од 16-23 Март земаа учество на студиска посета на тема „Open source- Open Mind“ во организација на CDN – FYEG во соработка со Оделот за млади при Советот на Европа. Семинарот се одржа во седиштето на Младинскиот центар при Советот на Европа во Стразбур, Франција.
Потпретседателот на МОДОМ, Блаже Јосифовски беше реизбран за член на Извршниот одбор на Мрежата за соработка и развој на Источна Европа. На Генералното собрание кое се одржа од 20 до 23 февруари 2014, покрај делегатите од 14 земји беа присутни и преставници на Зелените од Швајцарија, Каталонија, Австрија и Норвешка.
Во име на Младинската организација на ДОМ, претседателката Симона Сарделиќ, денеска потпиша Декларација за слободни и фер избори. Декларацијата ја потпишаа подмладоците на 17 политички партии во земјава, а иницијатор беше Институтот за економски стратегии и меѓународни односи Охрид.
Анета Поповска беше преставник на МОДОМ на студиската посета која се одржа од 20-ти до 27-ти Октомври 2013 во организација на Мрежата за развој и соработка во Источна Европа (CDNEE) во соработка со Секторот за млади на Советот на Европа во Будимпешта, Унгарија. Тема на студиската седница беше „Навигација надвор од Веб насилството-Борба против родово-базирано насилство он-лајн“. Покрај нашата преставничка имаше на студиската посета земаа учество преставници од младинските организации на Зелените од Србија, Косово, Црна Гора ,Хрватска, Русија, Ерменија, Украина, Белорусија, Азербеџан, Молдавија, Полска, Германија, Каталонија, Грузија, Казахстан, Швајцарија и Шведска.
Претставници на летниот камп на тема „Регенерирана Европа! Младински активизам, политичко учество и директна демократија“ од МОДОМ беа: Симона Сарделиќ, Магдалена Христова и Марија Михајловска. Кампот се одржа во планинарскиот дом Јанковац од 10 – 16 август, имаше 60 учесници од 27 земји, а целта беше да се поттикне дијалог помеѓу младите од организациите членки на ЦДНЕЕ, кои секој на свој начин иницирал или барем учествувал во големите социјални движења низ Европа. Ова беше можност младите да ги споделат своите искуства од активизмот од своите држави, да ги анализираат проблеми со кои се соочуваат кога се трудат да ги искористат постоечките канали на политичко учество и да се изборат со ограничувањето на учеството на граѓаните во социјалната и системска промена.
МОДОМ во партнерство со НВО „Сите Различни – Сите Еднакви“ (All Different - All Equal) со поддршка на Советот на Европа – Европска Мадинска Фондација и Министерството за млади и спорт на Република Србија, од14-20 јули 2013 год, во Авала - Белград, организираше тренинг под наслов „Youth movers and Shakers“.
ДЕМОКРАТСКА ОБНОВА НА МАКЕДОНИЈА - ДОМ
ул. Даме Груев бр.5, зграда 1, влез 2, кат Мезанин
1000 Скопје, Република Македонија
Телефон 02/5112-900
Фах. 02/5112-900
e-mail: dommakedonija@yahoo.com
Претседателка: Маја Морачанин
e-mail: m.morachanin@yahoo.com
тел: 02/5112-900 02/3224-150