Бојан Петровски член на претседателството на МОДОМ заедно со уште 22 претставници на политички подмладоци ја потпиша декларацијата за фер и демократски избори иницирана од Институтот Охрид.
Младинската организација на ДОМ (МОДОМ) објавува повик за обука “Сексуална (Р)еволуција” организирана од страна на НВО “Сите различни,сите еднакви” од Србија, во партнерство со “Зелен прозор” – Хрватска, МОДОМ – Македонија, и “Зелена генерација” – Белорусија.
МОДОМ е примен како полноправна членка во Федерацијата на Младите Европски Зелени (FYEG) на собранието што се одржува во Прага од 25 до 29 мај.Федерацијата на Младите Европски Зелени е официјалниот подмладок наЕвропската зелена партијаи претставува мрежа од 42 политички подмладока и невладини организации од цела Европа, кои ја имаат зелената идеологија како основа на дејствување.
Милан Николовски од МОДОМ учествуваше на второто издание на Европскиот младински настан (EYE2016) што се одвиваше во Европскиот парламент во Стразбур на 20-21 мај со мотото "Заедно можеме да направиме промена".
Претставниците на МОДОМ, Милан Николовски и Симона Сарделиќ, се дел од кампањата на Федерацијата на млади европски Зелен за заштита на правата на мигрантите со наслов #overthefortress (#прекутврдината). Целта на оваа кампања е да се документираат предизвиците и опасностите со кои се соочуваат бегалците одејќи по таканаречената Балканска рута. Кампањата се состои од два дела, првиот дел кој започна од 25 - 29 март кога е предвидена посета на бегалскиот камп во Идомени на грчко-македонската граница. Вториот дел од кампањата ќе се одвива на италијанско-австриската граница, на 3 април 2016 година каде преку мирен протест младите зелени од цела Европа ќе побараат отварање на европските граници.
Апелираме до граѓаните на Република Македонија денес, 19 мај, во периодот од 20:30 до 21:30 часот, да ги исклучат сите светилки и електрични апарати, во своите домови и на тој начин да се вклучат во одбележување на најголемата светска акција за заштита на планетата земја и животната средина , како и охрабрување на глобалната заедница за споделување можности и предизвици за создавање на одржлив свет.
МОДОМ се придружува кон одбележување на 5-годишнината од нуклеарната катастрофа во Фукушима, преку повик до Европа за поголемо инвестирање во зелената енегија наместо во градење на нуклеарни централи. Федерацијата на млади европски зелени преку СООПШТЕНИЕ заедно со уште 13 свои организации членки, меѓу кои и МОДОМ, ја изразија својата загриженост околу моменталната состојба во Фукушима и можните последици во иднина.
Членот на претседателството на МОДОМ, Милан Николовски е избран за член на Извршниот одбор на Мрежата за соработка и развој на Источна Европа,за време на Генералното собрание кое се одржа во Скопје од 25 до 28 февруари.
Повеќе од 40 делегати од организациите членки, партнерските организации и гости од 40 земји одлучуваа за новиот состав на Извршниот одбор, прием на нови организации-членки како и за Планот на активности за тековната 2016 година.
Покрај преставникот на МОДОМ во новиот состав на Извршниот одбор беа изгласани и преставници на Зелените од Грузија, Швајцарија, Украина и Азербејџан, а ЦДН стана побогата со една членка, НВО од Ерменија “Партнерство за зелен развој”, (Partnership for green development) со статус на партнер организација.
Во текот на вчерашниот ден учесниците ја поддржаа акцијата на Федерацијата на младите европски Зелени “#безбедни премини” (#safepassege) и изразија поддршка на правата на мигрантите. Оваа акција истовремено ја организираа членки во земјите ширум Европа.
Младинската организација на ДОМ (МОДОМ) е домаќин на Генералното собрание, највисокото одлучувачко тело на Мрежата за соработка и развој на Источна Европа (ЦДНЕЕ) на кое ќе присуствуваат делегати од сите организации- членки и се одржува од 25-ти до 28 февруари 2016 година, во Скопје, Македонија.
Младинската организација на ДОМ (МОДОМ) ќе биде домаќин на Генералното собрание, највисокото одлучувачко тело на Мрежата за соработка и развој на Источна Европа (ЦДНЕЕ) на кое ќе присуствуваат делегати од сите организации- членки, а ќе се одржи од 25-ти до 28 февруари 2016 година, во Скопје, Македонија.
ДЕМОКРАТСКА ОБНОВА НА МАКЕДОНИЈА - ДОМ
ул. Даме Груев бр.5, зграда 1, влез 2, кат Мезанин
1000 Скопје, Република Македонија
Телефон 02/5112-900
Фах. 02/5112-900
e-mail: dommakedonija@yahoo.com
Претседателка: Маја Морачанин
e-mail: m.morachanin@yahoo.com
тел: 02/5112-900 02/3224-150