ТРИБИНА „ТУРИЗМОТ Е СЕРИОЗНА РАБОТА“

одржана на 28.10.2009 година

на Универзитетот за туризам и менаџмент во Скопје

Мерките и третманот на туризмот како една од приоритетните стопански гранки од страна на Владата на РМ годинава дадоа резултати, но на ова поле сеуште има многу да се работи и тоа: на поддршката на новоформираната Агенција за промоција и поддршка на туризмот на РМ, на дополнувањето на законската регулатива, упатството за субвенции во туризмот, кластерирањето, спроведувањето на HACCP стандардите, категоризацијата на туристичко-угостителските објекти, зачувувањето на природниот и архитектонскиот амбиент, чистотата и тн.

Според податоците на Државниот завод за статистика, во периодот јануари- август 2009 година, во однос на истиот период од претходната година, процентот на странските туристи во Република Македонија се зголемил за 7,4%, а процентот на ноќевањата, во однос на истиот период од претходната година кај странските туристи бележи зголемување за 2,5%, а според податоците на НБРМ приходот од туризмот годинава е зголемен за 16 милиони евра.

ЗАКЛУЧОЦИ ОД ТРИБИНАТА

Почитуван г-н Геровски

На самиот почеток од овој одговор на вашиот напис во дневниот весник Време, Демократската обнова на Македонија (ДОМ) Ви се заблагодарува што, како почитуван и реномиран новинар,  ги следите нашите активности.

Од ваша страна не изненадува реториката, која сте ја употребиле за да се подбивате со една искрена и позитивна акција. Скопје е наш заеднички дом и ние сме навистина загрижени за состојбите во кои се наоѓа наше и ваше Скопје. Затоа и покренуваме активност со која сметаме дека ќе придонесеме за едно по здраво и похумано живеење во него. Токму затоа не збунуваат вашите зборови.

Дали сметате дека ќе биде лошо за скопјани ако за едно исечено дрво се посадат три нови? Ние  тврдиме дека со тоа само ја задржуваме простата репродукција на дрвната маса во градот.

Што има лошо во тоа што сакаме во ГУП-от да се дефинира процентот на зелени површини? Тврдиме дека скопјани сакаат во своето место на живеење, одмор и на секојдневно извршување на обврските да имаат зелени површини кои ќе бидат заштитени токму од оние кои „мајчето му го расплакаа на Скопје“.

       Комисијата за урбанизам и градежништво и Комисијата за животна средина на ДОМ, организираа трибина со наслов"Скопје Зелен Град", по повод Светскиот ден на живеалиштата  (05.10.2009) и на неа ги донесоа следнив

заклучоци

од одржаната трибината

         ДОМ како партија на Зелените, на која заштитата на животната средина и создавањето на хумани односи на живеење и се едни од основните приоритети, укажува на потребата од поголема грижа за зелените површини, нивна ревитализација и култивирање и затоа сметаме дека треба да се преземат  следниве активности:

1. Дефинирање на процесот на зелени површини во град Скопје, пред измените на генералниот урбанистички план
2. Носење одлуки на скопските локални совети за засадување на 3 (три) нови дрва за секое 1 (едно) исечено
3. Вклучување на Скопје во мрежата на Зелени градови (т.н. ICLEI)

 За спроведување на овие заклучоци, претставници на ДОМ ќе се обратат до локалните власти на скопските општини и на град Скопје.

На денешната трибина насловена „Како  во судска постапка да се докаже МОБИНГ-от“ ( психичко вознемирување на работно место) се дискутираше за имплементација на законските одредби кои ја третираат оваа проблематика, а се вметнати во Законот за работни односи и  со кои се санкционира мобинг - психичко вознемирување на работно место, донесен на 10.09.2009 година, по предлог на пратеничката Лилјана Поповска, а по иницијатива  на ФОРУМОТ НА ЖЕНИ на ДОМ.

На трибината  дискутираа адвокати , претставници од невладиониот сектор, претставници на синдикатите како и лекари од институтот за медицина на трудот.

Дискутантите се осврнаа на проблемите околу  докажувањето на мобингот во судската постапка односно како треба да се работи на развојот  на свеста на поедницот за  грижа за своето здравје, но и за грижа на здравјето на работникот како основа за економски и културен напредок, превенција на конфликтот и негова медијација  во работната организација итн.